https://xeberekspress.com/ az Dünya - Xeberekspress.az DataLife Engine https://xeberekspress.com/dunya/56112-ukrayna-turkiyede-kechirilecek-nato-sammitinde-temsil-olunacaq.html https://xeberekspress.com/dunya/56112-ukrayna-turkiyede-kechirilecek-nato-sammitinde-temsil-olunacaq.html
Ukrayna Türkiyədə keçiriləcək NATO sammitində təmsil olunacaq.
Bunu Ukrayna Prezidenti Volodimir Zelenski aprelin 26-da Kiyevdə Moldova parlamenti Maya Sandu ilə birgə keçirdiyi mətbuat konfransında bildirib.
O, ölkəsinin hansı formada təmsil olunacağını hələlik açıqlamayıb.
Qeyd edək ki, 7-8 iyul tarixlərində Türkiyənin Ankara şəhərində NATO sammiti baş tutacaq.]]> cavidan Sun, 26 Apr 2026 18:00:50 +0400 https://xeberekspress.com/dunya/56108-iran-absh-ile-danishiqlarin-berpasi-uchun-shertlerini-achiqlayib.html https://xeberekspress.com/dunya/56108-iran-absh-ile-danishiqlarin-berpasi-uchun-shertlerini-achiqlayib.html
İran Prezidenti Məsud Pezeşkian ABŞ-nin hərəkətləri ilə münaqişənin diplomatik yolla həlli axtarışı ilə bağlı açıqlamaları arasında uyğunsuzluq olduğunu bildirib.
Bu barədə "Press TV" məlumat yayıb.
Onun sözlərinə görə, Vaşinqton danışıqlara hazır olduğunu bəyan etməklə yanaşı, Tehrana təzyiq göstərməyə davam edir. Pezeşkianın fikrincə, bu siyasət vəziyyətin həllinə kömək etmir.
"İran təzyiq, təhdid və ya blokada altında məcburi danışıqlara getməyəcək".
O, ABŞ-ı dialoqa maneələri aradan qaldırmağa, xüsusən də Hörmüz boğazının blokadasını ləğv etməyə çağırıb.
ABŞ və İran arasında ötən həftə uzadılmış atəşkəs hazırda qüvvədədir, lakin boğazdan gəmiçilik trafiki minimal olaraq qalır: münaqişədən əvvəl 130 gəmi ilə müqayisədə gündə cəmi beş gəmi boğazdan keçir.]]> cavidan Sun, 26 Apr 2026 15:00:01 +0400 https://xeberekspress.com/dunya/56096-tramp-netanyahu-ve-aunun-gorushu-mayin-ikinci-ongunluyune-planlashdirilir.html https://xeberekspress.com/dunya/56096-tramp-netanyahu-ve-aunun-gorushu-mayin-ikinci-ongunluyune-planlashdirilir.html
ABŞ Prezidenti Donald Tramp, İsrailin Baş naziri Benyamin Netanyahu və Livan Prezidenti Cozef Aunun görüşü mayın ikinci ongünlüyündə Vaşinqtonda keçiriləcək.


Bu barədə "i24NEWS"un diplomatik müxbiri Qay Azriel "X" sosial şəbəkəsində məlumat yayıb.


"Baş nazir Benyamin Netanyahunun Prezidenti Donald Tramp və Livan Prezidenti Cozef Aunla liderlərin sammitində iştirak etmək üçün təxminən iki həftə yarım sonra Vaşinqtona gələcəyi gözlənilir", - o yazıb.


Qeyd edilir ki, səfər planlaşdırma mərhələsindədir və təhlükəsizlik sahəsindəki vəziyyətdən, o cümlədən hərbi əməliyyatların bərpa olunmaması şəraitindən asılı olacaq.

]]> cavidan Sat, 25 Apr 2026 17:51:56 +0400 https://xeberekspress.com/dunya/56091-iran-absh-ye-xeberdarliq-etdi-adekvat-reaksiya-vereceyik.html https://xeberekspress.com/dunya/56091-iran-absh-ye-xeberdarliq-etdi-adekvat-reaksiya-vereceyik.html


İran ordusu ABŞ-nin tətbiq etdiyi dəniz blokadasına qarşı sərt bəyanat yayaraq, Hörmüz boğazı ətrafında hərbi qarşıdurma anonsu verib.


 Bu barədə “Xatəmül-Ənbiya” Mərkəzi Qərargahı rəsmi məlumat yayıb.


Bəyanatda bildirilir ki, ABŞ-ın İrana qarşı dəniz blokadası davam edəcəyi təqdirdə, İran ordusu buna güclü və adekvat reaksiya verəcək.


Qərargah İranın Hörmüz boğazı üzərindəki nəzarətini qorumaqda qətiyyətli olduğunu vurğulayıb. Rəsmi Tehran ölkəyə qarşı istənilən yeni hücum və ya blokada cəhdinə hərbi yolla cavab verməyə tam hazır olduqlarını bəyan edib.


Xatırladaq ki, son günlər ABŞ və İran arasında diplomatik və hərbi gərginlik pik həddə çatıb. Vaşinqtonun İran limanlarına tətbiq etdiyi dəniz blokadası bölgədə neft nəqlini və qlobal ticarəti təhlükə altına qoyub.

]]> cavidan Sat, 25 Apr 2026 16:42:33 +0400 https://xeberekspress.com/gundem/56079-von-der-leyen-ai-irana-qarshi-muharibeye-gore-25-milyard-avro-itirib.html https://xeberekspress.com/gundem/56079-von-der-leyen-ai-irana-qarshi-muharibeye-gore-25-milyard-avro-itirib.html
Avropa İttifaqı ABŞ və İsrailin İrana qarşı hərbi əməliyyatları nəticəsində enerji resurslarının qiymətlərinin artması səbəbiilə 25 milyard avro itki ilə üzləşib.

Bu açıqlamanı Avropa Komissiyasının Prezidenti Ursula von der Leyen Kiprdə keçirilən Aİ-nin qeyri-rəsmi sammitinin yekunlarına dair mətbuat konfransında bildirib.

Avropa Komissiyasının rəhbəri Aİ-nin ciddi iqtisadi itkilərini Yaxın Şərqdə qarşıdurmanın əsas ticarət marşrutlarına və regiona enerji tədarükünə təsiri ilə əlaqələndirib.

“Münaqişənin başlamasından ötən 54 gün ərzində karbohidrogen resurslarının alınmasına çəkdiyimiz xərclər 25 milyard avro artıb, halbuki biz əvvəlkindən bir molekul belə artıq almamışıq. Buna görə də alternativ enerji mənbələrinin tətbiqini sürətləndirməliyik”, – o qeyd edib.]]> cavidan Fri, 24 Apr 2026 18:38:12 +0400 https://xeberekspress.com/gundem/56077-turkiye-milli-mudafie-universitetinin-numayende-heyeti-naxchivanda-olub.html https://xeberekspress.com/gundem/56077-turkiye-milli-mudafie-universitetinin-numayende-heyeti-naxchivanda-olub.html
Türkiyə Milli Müdafiə Universitetinin (MMU) rektor müavini professor Talat Canbolatın rəhbərlik etdiyi nümayəndə heyəti Azərbaycana səfər çərçivəsində Əlahiddə Ümumqoşun Orduda (ƏÜO) olublar.


Bu barədə Müdafiə Nazirliyindən məlumat verilib.


Bildirilib ki, səfər çərçivəsində qonaqlar ƏÜO Qərargahında olublar. Onlara ƏÜO-nun yaranma tarixi, keçdiyi inkişaf yolu, fəaliyyəti, həyata keçirilən islahatlar və qarşıda duran məqsədlərlə bağlı ətraflı məlumat verilib. Hərbi təhsil sahəsində əməkdaşlın cari vəziyyəti, perspektivlər və qarşılıqlı maraq doğuran bir sıra digər məsələlər müzakirə edilib.


ƏÜO-nun Təlim və Tədris Mərkəzində müxtəlif sinif otaqları, simulyasiya mərkəzi və trenajorlar zalı ziyarət olunub.


Naxçıvan Hərbi Kolleci və Heydər Əliyev adına Hərbi Liseylə tanışlıq zamanı xüsusi təyinatlı təhsil müəssisələrində aparılan islahatlar, mövcud hərbi təhsil sistemi, tədris və elmi fəaliyyət istiqamətləri barədə nümayəndə heyətinə ətraflı məlumat verilib. Qərargah, tədris korpusları, yataqxana və digər inzibati binalara baxış keçirib.


Səfər çərçivəsində Türkiyə-Azərbaycan Dostluq Parkı və tarixi-mədəniyyət abidələri ziyarət olunub.

]]> cavidan Fri, 24 Apr 2026 18:03:55 +0400 https://xeberekspress.com/gundem/56066-iraq-hormuz-bogazinin-baglanmasina-baxmayaraq-neft-ixracini-davam-etdirir.html https://xeberekspress.com/gundem/56066-iraq-hormuz-bogazinin-baglanmasina-baxmayaraq-neft-ixracini-davam-etdirir.html
Bu gün İraqın cənubuna, dövlətin əsas ixrac mərkəzi olan Bəsrədəki dəniz terminallarının birinə 2 milyon barel neft yükləmək üçün növbəti neft tankeri gəlib.

Bu barədə "Reuters" mənbələrə istinadən məlumat yayıb.

Qeyd olunub ki, Komor adaları bayrağı altında üzən "Helga" gəmisi, İraq neftinin əsas hissəsinin nəql olunduğu Hörmüz boğazının növbəti dəfə bağlanmasından sonra Bəsrəyə gələn ikinci tanker olub

İraq aprelin 17-də Yaxın Şərqdə münaqişə başlayandan bəri ilk dəfə olaraq ölkənin cənubundan neft ixracını bərpa edib.

Hörmüz boğazı vasitəsilə neft ixracının qeyri-mümkünlüyü və neft anbarlarının kritik həddə dolması fonunda demək olar ki, bütün yataqlarda hasilatı azaldıb. ABŞ və İsrailin İranla münaqişəsi başlayana qədər ölkə sutkada 4,3 milyon barel neft hasil edirdi.]]> cavidan Fri, 24 Apr 2026 15:02:15 +0400 https://xeberekspress.com/dunya/56065-iranin-vitse-prezidenti-neft-quyularimiz-vurularsa-cavab-zerbeleri-endirilecek.html https://xeberekspress.com/dunya/56065-iranin-vitse-prezidenti-neft-quyularimiz-vurularsa-cavab-zerbeleri-endirilecek.html
Əgər ABŞ İranın neft quyularına zərbələr endirərsə, Yaxın Şərq ölkələrinin obyektlərinə cavab zərbələri endirəcək.

Bu barədə İranın vitse-prezidenti İsmayıl Səqab İsfahani bildirib.

"Əgər düşmən daha bir səhvə yol verərsə, bizim strategiyamız "gözə göz" prinsipi üzrə olacaq. Əgər neft quyularımız vurularsa, o zaman ərazilərindən bizə qarşı hücumlar həyata keçirilən ölkələrin neft obyektləri hədəflərdən biri olacaq", - İsfahani bildirib.

O qeyd edib ki, İranın danışıqlar qrupu danışıqlar masası arxasında ABŞ tərəfini "təzyiq altında saxlayır".

İsfahani həmçinin əlavə edib ki, İran vətəndaşları enerji resurslarının tədarükü ilə bağlı narahat olmamalıdırlar, çünki "zəruri tədbirlər artıq görülüb".]]> cavidan Fri, 24 Apr 2026 14:37:11 +0400 https://xeberekspress.com/gundem/56064-xin-bakinin-choxterefli-diplomatiya-uchun-onemli-merkez-qisminde-ehemiyyeti-artir.html https://xeberekspress.com/gundem/56064-xin-bakinin-choxterefli-diplomatiya-uchun-onemli-merkez-qisminde-ehemiyyeti-artir.html
Bakı şəhərinin çoxtərəfli diplomatiya, dialoq və əməkdaşlıq üçün önəmli mərkəz qismində əhəmiyyəti artmaqdadır.

Bu fikirlər Azərbaycan Xarici İşlər Nazirliyinin (XİN) Sülh naminə Beynəlxalq Çoxtərəflilik və Diplomatiya Günü ilə bağlı yaydığı bəyanatda qeyd olunub.

Bildirilib ki, Azərbaycan çoxtərəfli diplomatiya və əməkdaşlığın ən böyük dəstəkçilərindən biri olaraq, Qlobal Cənubun fəal üzvü qismində bu istiqamətdə töhfələr verməyə hər zaman sadiqdir.

"Son illərdə ölkəmizin çoxtərəfli diplomatiya və əməkdaşlıq müstəvisində əldə etdiyi çoxsaylı nailiyyətlər sırasında Qoşulmama Hərəkatı (NAM), Asiyada Qarşılıqlı Fəaliyyət və Etimad Quruculuğu Tədbirləri üzrə Müşavirə (CICA), İqtisadi Əməkdaşlıq Təşkilatı (ECO), BMT-nin Asiya və Sakit Okean üzrə İqtisadi və Sosial Komissiyası (UNESCAP), Qara Dəniz İqtisadi Əməkdaşlıq Təşkilatı (BSEC) kimi mühüm təsisatlara uğurlu sədrlikləri qeyd edilə bilər", - məlumatda vurğulanıb.

Həmçinin bəyanatda bildirilib ki, 2026-cı il ərzində Ümumdünya Şəhərsalma Forumu (WUF13), İslam İnkişaf Bankının 10 illiyinə həsr olunmuş toplantı, Dünya Ətraf Mühit Günü (WED26), CICA dövlət və hökumət başçılarının zirvə görüşü kimi beynəlxalq əhəmiyyətli tədbirlərə Azərbaycanın ev sahibliyi etməsi bir daha çoxtərəfli diplomatiya və əməkdaşlığa verilən önəmə və beynəlxalq müstəvidə etibarlı tərəfdaş kimi ölkənin artan nüfuzuna dəlalət edir.

"Azərbaycanın BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasına (COP29) sədrliyi və ev sahibliyi çoxtərəfli diplomatiya tarixinə ən uğurlu tədbirlərdən biri kimi həkk olunub. Azərbaycan COP29-da əldə edilmiş tarixi əhəmiyyətli razılaşmaların icrası və irəlilədilməsi, eləcə də xarici siyasətimizdə aktiv sahələrdən birinə çevrilən dayanıqlı inkişaf və iqlim diplomatiyasına töhfələrini davam etdirməkdədir. 2026-cı ildə ölkəmizin ilk dəfə Regional İqlim Həftəsinə ev sahibliyi etməsi nəzərdə tutulur.

Eyni zamanda, yalnız son bir neçə il ərzində Qoşulmama Hərəkatı Gənclər Təşkilatının mənzil qərargahı və İqtisadi Əməkdaşlıq Təşkilatının Təmiz Enerji Mərkəzi kimi sturkturların Bakıda yerləşməsi haqqında qərarlar verilib. Buna əlavə olaraq, cari ilin aprelində İstanbulda keçirilmiş konfrans zamanı Qoşulmama Hərəkatı Parlament Şəbəkəsinin mənzil qərargahının da Bakıda təsis edilməsinə dair tarixi qərar qəbul edilib", - bəyanatda deyilir.

Məlumata əsasən, Azərbaycan həmçinin beynəlxalq təşkilatlarda ədalətli coğrafi təmsilçiliyin tərəfdarıdır. Bu istiqamətdə prinsipial mövqe sərgiləməklə yanaşı, Azərbaycan Respublikası və vətəndaşlarının beynəlxalq təşkilatların seçkili orqanlarında təmsilçiliyinə xüsusi önəm verilir. Yalnız 2025-ci ildə 14 mühüm beynəlxalq qurumlara namizədliyimiz üzrə uğurlu nəticə təmin edilib. Azərbaycan çoxtərəfli diplomatiya və formatlarda aktiv iştirakı ilə həm beynəlxalq, həm də regional müstəvidə sülh, təhlükəsizlik və rifaha töhfə verməyə bundan sonra da davam edəcəkdir.

Xatırladaq ki, 24 aprel Sülh naminə Beynəlxalq Çoxtərəflilik və Diplomatiya Günü kimi qeyd olunur.]]> cavidan Fri, 24 Apr 2026 14:21:07 +0400 https://xeberekspress.com/dunya/56054-roskomnadzor-rehberliyine-qarshi-terror-aktinin-qarshisi-alinib-1-nefer-zerersizleshdirilib-7-nefer-tutulub.html https://xeberekspress.com/dunya/56054-roskomnadzor-rehberliyine-qarshi-terror-aktinin-qarshisi-alinib-1-nefer-zerersizleshdirilib-7-nefer-tutulub.html
Rusiyada “Roskomnadzor” rəhbərliyinə terror hazırlanıb.

Bu barədə Rusiya Federal Təhlükəsizlik Xidməti (FSB) məlumat yayıb.

Bildirilib ki, Rusiya xüsusi xidmət orqanları terror aktının qarşısını alıb.

"Terror aktı planlaşdırmaqda iştirak edən ifrat sağçı və neofaşist ideologiyasının yeddi tərəfdarı saxlanılıb. Onlar Ukrayna kəşfiyyat orqanları tərəfindən Telegram vasitəsilə "verbovka" ediliblər. Qrupun lideri olan Moskva sakini silahlı müqavimət göstərib və zərərsizləşdirilib.

“Roskomnadzor” rəhbərliyinə qarşı terror aktı planlaşdıranlardan 1 kiloqramlıq partlayıcı qurğu, qumbara, tapançalar və Ukrayna döyüşçülərinin simvolları müsadirə edilib", - FSB-nin məlumatında qeyd olunub.(Apa)]]> cavidan Fri, 24 Apr 2026 10:17:36 +0400