Azərbaycandan ABŞ-a narkotik aparılmasına cəhd edildi

Gündəm
16-01-2020, 21:20
Azərbaycandan ABŞ-a narkotik aparılmasına cəhd edildi
 
Beynəlxalq poçt göndərişləri vasitəsilə narkotik vasitənin gömrük sərhədindən keçirilməsi cəhdinin qarşısı alınıb.

Dövlət Gömrük Komitəsindən verilən xəbərə görə, Hava Nəqliyyatında Baş Gömrük İdarəsinin Əməliyyat və Təhqiqat İdarəsinin Əməliyyat şöbəsinə daxil olan məlumat əsasında Azərbaycandan ABŞ-a göndərilən, invoys sənədində malın adı "coffee table" göstərilən poçt bağlaması Bakı Karqo Terminalına daxil olub. Həmin bağlamaya Heydər Əliyev Beynəlxalq Aeroportunun Bakı Karqo Terminalında kinoloji xidmət iti tətbiq edilməklə gömrük nəzarəti həyata keçirilib və xidməti it bağlamaya reaksiya verib.

Baxış zamanı, karton qutunun içərisindən sökülmüş vəziyyətdə olan təkərli masanın hissələri aşkarlanıb. Həmin masanın "mdf" materialından olan alt, üst panellərinin və oval şəklində olan aksessuarlarının arxalarına sonradan bərkidilən faner lövhələrin altından, təmiz çəkisi 2455 qram narkotik vasitə - tiryək aşkar edilib.


Baş direktor: Ruhiyyə Eldarqızı
Tel: (+99455) 553 07 31 | Whatsapp: (+99451) 553 07 31
Ünvan: AZ1073. Bakı şəhəri., Yasamal r-nu, Mətbuat pr., 529-cu məhəllə “Azərbaycan” nəşriyyatı, 2-ci mərtəbə
Saytdakı materialların istifadəsi zamanı istinad edilməsi vacibdir. Məlumat internet səhifələrində istifadə edildikdə hiperlink vasitəsi ilə istinad mütləqdir.