"Zəfər” Musiqi və Teatr Festivalının növbəti konsert proqramı Sumqayıtdakı Kimyaçı Mədəniyyət Sarayında təşkil olunub.

XeberEkspress.az xəbər verir ki, tədbir şəhidlərimizin əziz xatirəsinin bir dəqiqəlik sükutla yad edilməsi ilə başlayıb.

İştirakçıları salamlayan Sumqayıt Şəhər İcra Hakimiyyəti başçısının birinci müavini Teymur Səmədov Ordumuzun Müzəffər Ali Baş Komandan İlham Əliyevin rəhbərliyi altında Vətən müharibəsində əldə etdiyi şanlı Qələbədən danışıb.

F. Əmirov adına Əməkdar Kollektiv Azərbaycan Dövlət Mahnı və Rəqs ansamblı tarixi Zəfərimizə həsr etdiyi rəngarəng musiqi proqramı ilə çıxış edib. Konsertdə Xalq artisti Zabit Nəbizadə, Əməkdar artistlər Almaz Orucova, Nuriyyə Hüseynova, istedadlı ifaçılar Rəvanə Qurbanova, Vəfa Orucova, Nigar Mirzəyeva, Nurlana Abdullayeva və İdris Tağıyev çıxış ediblər.

Konsert proqramı tamaşaçılar tərəfindən rəğbətlə qarşılanıb.

XeberEkspress.az