Bu ölkədə fövqəladə vəziyyət rejimi uzadıldı

Dominikan Respublikasının rəhbərliyi koronavirusun ölkə ərazisində yayılmasının qarşısını almaq üçün fövqəladə vəziyyət rejiminin müddətini 45 gün uzatmaq qərarına gəlib.

Bu barədə  TASS-a  xəbər verir.

Qərar aprelin 16-da qüvvəyə minir. Məhdudlaşdırıcı tədbirlər arasında nəqliyyat və mağazaların iş rejiminin qısaldılması var.

Rəsmi məlumatlara əsasən, Dominikanda koronavirusa 255 mindən çox insan yoluxub, 3 369 xəstə pandemiyanın qurbanı olub.

Ölkədə əyləncə mərkəzlərinin və idman qurğularının fəaliyyətinə qadağa qalmaqdadır. Mağazalar yalnız sosial məsafənin tələblərinə riayət etməklə müştərilərə xidmət göstərə bilərlər. Həmçinin maskaların taxılması məcburidir.