25 il sonra Basayevin dəstəsinin daha 2 üzvü saxlanıldı

Şamil Basayevin dəstəsinin daha iki üzvü təxminən 25 ildən sonra saxlanılıb.

Yamal və Xantı-Mansi Muxtar Dairəsi sakinləri - Murtazəli Alimgireyev və Alimxan Kadraşov 1999-cu ildə Çeçenistanın Çervlennaya kəndi yaxınlığında hərbçilərə hücum etməkdə şübhəli bilinirlər.

Bu zaman 15 rus hərbçisi həlak olub, daha 28-i yaralanıb.

Şübhəlilər silahlı üsyanda, dəstədə iştirakda və hərbçilərin həyatına qəsddə ittiham olunublar.