Milli Məclis Sədrinin müavini Adil Əliyev Tovuz rayonunda

 

 

Tovuz rayonuna səfər edərək şəhid ailələrinin üzvləri və qazilərlə görüşdük. Görüşdə şəhidlərimizin müqəddəs xatirəsi bir dəqiqəlik sükutla yad edildi və dövlət himni səsləndirildi. Azərbaycan Prezidenti cənab İlham Əliyevin və Birinci vitse-prezident Mehriban xanım Əliyevanın şəhid ailələrinə və qazilərə yüksək diqqət və qayğının göstərilməsi ilə bağlı verdiyi tapşırıq və tövsiyələrinə uyğun olaraq görüşlərimiz mütəmadi olaraq keçirilir. Müzəffər Ali Baş Komandan İlham Əliyevin rəhbərliyində döyüş meydanında qazandığımız tarixi Qələbə, qazanılmış Zəfər Azərbaycan dövlətçiliyi tarixində xüsusi önəm tutur. Qələbə üçün şəhidlərimizə və qazilərimizə borcluyuq, qəhrəmanlarımızın fədakarlıqları və şücaətləri şanlı tariximizin ən parlaq səhifələrindəndir. Dövlətimiz 30 ildən sonra ərazi bütövlüyünü bərpa edərək, gücümüzü Ermənistana və onun havadarlarına göstərdik. Tədbirin sonunda şəhid ailələri və qazilər göstərilən yüksək diqqət və qayğıya görə Prezident İlham Əliyevə və Birinci vitse-prezident Mehriban Əliyevaya minnətdarlıqlarını bildirdilər.