Tibbi sığorta zərfində xidmətlər genişləndiriləcək

İcbari tibbi sığorta paketinə yeni müayinələr əlavə ediləcək.

Bu barədə jurnalistlərə açıqlamasında səhiyyə naziri Teymur Musayev bildirib.

Tibbi sığorta zərfində xidmətlərin genişləndiriləcəyini diqqətə çatdıran nazir deyib: "Hazırda tibbi sığorta zərfinə 3315-dən çox tibbi xidmət daxil edilib. İldən-ilə bu siyahı genişləndirilir. İnanırıq ki, bu il də siyahıya müəyyən tibbi xidmətlər əlavə ediləcək”.