Aİ Şurası Moldovaya ən böyük yardım paketini təsdiqlədi

Aİ Şurası Moldovaya 1,9 milyard avro məbləğində yardım paketini təsdiqləyib.

Bu barədə Aİ Şurasının bəyanatında deyilir.

Qeyd olunub ki, yardım respublikada islahatların sürətləndirilməsinə kömək edəcək və bu, onu Aİ üzvlüyünə yaxınlaşdıracaq: "1,9 milyard avroluq paket Aİ-nin Moldovaya ən böyük maliyyə yardımı paketidir. Bu, iqtisadiyyatı gücləndirəcək və islahatları sürətləndirməklə ölkəni Aİ üzvlüyünə yaxınlaşdıracaq".