Mətbuat Günündə xüsusi qayğıya ehtiyacı olan uşaqlar üçün anlamlı tədbir

Mətbuat Günü münasibətilə Aytəkin Məmmədovanın təşkilatçılığı ilə xüsusi qayğıya ehtiyacı olan, sağlamlıq imkanları məhdud uşaqlar və onların ailələri üçün yaddaqalan tədbir keçirilib.

Tədbirin əsas məqsədi bu uşaqlara sevinc bəxş etmək, onların cəmiyyətin ayrılmaz və dəyərli üzvləri olduğunu bir daha göstərmək, eyni zamanda ailələrinə mənəvi dəstək olmaq idi.

Tədbir boyunca uşaqlara xüsusi diqqət göstərilib, onların üzündə təbəssüm yaratmaq üçün müxtəlif maraqlı proqramlar təşkil olunub. Səmimi görüş, xoş sözlər və göstərilən diqqət tədbirə xüsusi ab-hava qatıb.

Aytəkin Məmmədova çıxışında bildirib ki, hər bir uşaq sevgi, qayğı və diqqətə layiqdir. Xüsusi qayğıya ehtiyacı olan uşaqların yanında olmaq, onların problemlərinə həssaslıqla yanaşmaq və cəmiyyətə inteqrasiyasına dəstək vermək hər birimizin mənəvi borcudur.

Bu tədbir bir daha göstərdi ki, bəzən bir xoş söz, bir səmimi gülüş və göstərilən diqqət bir uşağın dünyasını dəyişə bilər. Əsas olan onların özlərini tək və unudulmuş hiss etməmələridir.

Mətbuat Gününün belə xeyirxah və sosial məzmunlu tədbirlə qeyd olunması həm uşaqlar, həm də onların ailələri üçün böyük mənəvi əhəmiyyət daşıyıb.