FHN: Həkəri çayında batan şəxsin axtarışları aparılır

Həkəri çayının Zəngilan rayonunun Ağalı kəndindən keçən hissəsində bir nəfər batıb.


Bu barədə Fövqəladə Hallar Nazirliyindən (FHN) məlumat verilib.


Bildirilib ki, FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-xilasediciləri hadisə yerinə cəlb edilərək axtarışlara başlayıblar.


Hazırda 1962-ci il təvəllüdlü Həsənov Nuşirəvan Mehdi oğlunun batdığı ehtimal olunan istiqamətlərdə axtarış-xilasetmə tədbirləri davam etdirilir.


Qeyd edək ki, daha əvvəl yerli sakinlər tərəfindən meyitin tapıldığı barədə məlumat verilmişdi.